ઓલપાડ માં આવેલ અને ટૂંક સમય પહેલા સુરત મહાનગર પાલિકા માં સમાવેશ કરવામાં આવેલ ઉમરા ગામ માં ગઈકાલે ભાજપ દ્વારા પેજ પ્રમુખ સમિતિ કાર્ડ સમારોહ નું આયોજન કરવામાં આવ્યું હતું, આ આયોજન માં ઓલપાડ ના ધારાસભ્ય મુકેશ પટેલે પણ હાજરી આપી હતી, જ્યાં સોસિયલ ડિસ્ટન્સ ધજાગરા જોવા મળ્યાં હતાં. ધારાસભ્યો સહિત ભાજપ ના તમામ કાર્યકરોએ માસ્ક પહેર્યા ન હતા.
હાલ ગુજરાત સહિત સમગ્ર વિશ્વમાં કોરોના નો હાહાકાર મચી રહ્યો છે એવામાં આવી સભાઓ યોજવી કેટલું વ્યાજબી કહેવાય ??
શું નિયમ ફક્ત આમ નાગરિકો માટે જ છે ??
લગ્ન સમારોહ માં જો 200 થી વધુ લોકો ભેગા કરીએ તો સુરત મહાનગર પાલિકા અને પોલીસ દ્વારા મસમોટા દંડ આપવામાં આવે છે, તો આ ભાજપ ના આ કાર્યક્રમ માં 500 થી વધુ લોકો ભેગા કરવામાં આવ્યા હતા જેમાં 50% ઉપર ના લોકોએ માસ્ક ન પહેર્યું હતું, તો શું પોલીસ આ લોકો ને દંડ આપશે ??
સુરત પોલીસ કમિશ્નર ના જાહેરનામા નો ભંગ
થોડાક દિવસ પહેલા સુરત પોલીસ કમિશનર દ્વારા જાહેરનામું બહાર પાડવામાં આવ્યું હતું જેમાં જાહેર રસ્તા પર 4 લોકો થી વધુ ભેગા થવાની મનાઈ કરવામાં આવી હતી., જાહેર સભા અને સરઘસ પર સંપૂર્ણ પણે પ્રતિબંધ મુકવામાં આવ્યો હતો તો શું આ નિયમો ભાજપ સરકાર ને લાગુ નથી પડતા ???
સી.આર.પાટીલ દ્વારા હાલ ગુજરાત માં અનેક જગ્યાએ પેજ પ્રમુખ સમિતિ કાર્ડ વિતરણ સમારોહ ના કાર્યક્રમ યોજવમાં આવ્યા છે તો શું આ લોકો ને નિયમો નથી લાગુ પડતા, અહીં કોરોના ફેલાઈ તો જવાબદારી કોણ લેશે..??
